männliche B-Jugend 2019/20

Servus beinand, endlich is wieda soweit und de Handball Saison geht los. 

Mia, Vinzenz Asam, Severin Berger, Andreas Hanisch, Josua Moritz, Matthias Nowak, Viktor Schlingmann, Simon Schmeer, Lukas Schmeer, Jannik Schmitt, Leon Schroll, Simon Seebacher, Tim Steinbichler und Julian Vottner san´s, die männliche B-Jugend. 

Leider hat´s bei der Quali-Runde für den Aufstieg in Bezirksoberliga ned glangt, aba mia ham uns trotzdem für de Saison einiges vorgnomma. So ham unsre Trainer, Patrick Schatz und Michael Schmeer, mit uns scho a Trainingslager absolviert und fast de ganzn Ferien über durchtrainiert. Am 07. September wa ma scho beim FC Bayern und de Woch drauf dahoam bei uns auf am Vorbereitungsturnier. Mia moana, dass ma fit gnuag san, damit ma unsre intern gsteckten, ehrgeizigen Ziele schaffa. Mia mechten schließlich den SSV als mittlerweile älteste Jungs-Jugendmannschaft super vertreten.

Wer no Lust hod bei uns mit zum macha, ko jederzeit beim Training vorbei schaun.

Warm oziang derfa sie in der Saison da TSV Gaimersheim, de HSG Gröbenzell-Olching, de MBB SG Manching, da TSV Dachau 65, da ASV Dachau, da TSV Schleißheim, da TSV Karlsfeld, da TSV 1862 Neuburg, und da MTV Pfaffenhofen.

Scho moi a dangschee an unsre Eltern und alle Fans, de uns bei de Heim- und Auswärtsspielen hoffentlich wieda gscheid unterstützen. 

Oiso pack mas!